အစ္စလာမ် သာသနာသည် ကမ္ဘာနှင့်အဝှမ်း အမုန်းတရားဖြင့် မတရားသဖြင့် စွတ်စွဲခံခဲ့ရ၊ ခံနေရသော်လည်း ယခုအခါ ဥရောပတိုက်နှင့် အမေရိကတိုက်ရှိ နိုင်ငံများမှ ပညာရှင်များ၊ လူ့အခွင့်အရေးသမားများ၊ လူသာမန်များ- များစွာ စိတ်ဝင်တစား ယုံကြည်လက်ခံလာနေသော သာသနာ ဝါဒလမ်းစဉ် တစ်ခု ဖြစ်၍- သင်သည်လည်း လေ့လာသင့်သော- သာသနာ ဝါဒလမ်းစဉ်တစ်ခု ဖြစ်ပေသည်။
သာသနာတစ်ခု၊ ဝါဒလမ်းစဉ်တစ်ခုအား- နဂိုမိရိုးဖလာ ရှိနေရင်းစွဲ လူမျိုးစု မတူညီသောကြောင့်၊ လူမျိုးစရိုက် လူမျိုးဓလေ့မတူညီသောကြောင့်ဟု ကြိုတင်ခံစားစိတ်ဖြင့် – မလေ့လာ မသုံးသပ်လေလျှင်- သင်၏ စိတ်နေစိတ်ထားသည် ကျယ်ပြန့်သော ဗဟုသုတများကို လက်ခံတွေးဆနိုင်အား ရှိတော့မည် မဟုတ်ပေ။
ပိဋကတ်တော်တွင် ကိုယ်တော်ဂေါတမကိုယ်တိုင်က ဖန်ဆင်းရှင် ဟူ သည် လုံးဝ မရှိဟု ယတိပြတ် ငြင်းဆိုထားခြင်း မတွေ့ရပါ။
ဘုရားဟူသည် အလိုလိုဖြစ်တော်မူ၍ အစဉ်တည်ရှိသည့် သွန်သင်ချက်ကိုသာ ပဋိသမ္ဘိဒါမဂ်၊ ၃ အာနာပါနဿတိကထာ၊ ၄ ဝေါဒါနဉာဏ် တွင် “သော ဘဂဝါ သမ္ဘူတိ – အကြင်မြတ်စွာဘုရားသည် အလိုလိုဖြစ်တော်မူ၏” ဟု တွေ့ရပါသည်။
ထေရဝါဒ အထင်ကရ အဌကထာ ဆရာတော် ရှင်ဗုဒ္ဓဃောသ က
`ကရုဏာဝိယ သတ္တေသု၊ ပညာရဿ မဟေ သိနော၊ ညေယဓမ္မေသု၊ ယတ္ထာယုဇိ၊ ပဝတ္တိတ္တံ၊ မဟေသိနော´
ဘုရားသခင်သည် ဂရုဏာတော်အားဖြင့် သတ္တဝါ အ ပေါင်း တို့နှင့် ညေယဓံတရား ငါးပါးတို့ကို အ လိုတော်ရှိ သည် အတိုင်း ဖြစ်တော်မူလေ ကုန် ပြီ– ဟု ဖေါ်ပြထားပါသည်၊ (အဌသလိနီ၊ ဝိဿတိဝန္တနာ)။
နိုင်ငံကျော် ဓမ္မစေတီ ဆရာတော်ဗုရား (သာသနာပြု) စီရင်ရေးသားတော်မူအပ်သော နိဗ္ဗာန်လမ်းပြ-ဓမ္မကထိက ပဒေသာ-လက်သုံးကျမ်း၏ စာမျက်နှာ ၃၀-၃၁ တွင် ဓမ္မဓိဌာန် နိယတဗုရား အမြဲဗုရားမှသည် လူသား ပုဂ္ဂလဓိဌာန်ဗုရားများ ပွင့်ပေါ်လာရသည်ဟု ရှင်းလင်းထားပါသည်။
အလားတူပင် ဘုရားဒကာ သုံး ဆယ် ဦးလူငယ် ရေးသား ပြုစုသော `သဗ္ဗညုတ စိန္တာမယကျမ်း´ ကျမ်းတွင်လည်း အမြဲပရမတ်ဘုရားနှင့် လူသားဘုရား ခြားနား ပုံကို အသေးစိတ် တင်ပြထားကြောင်း တွေ့နိုင်ပါသည်။