The Holy Islam

အစ္စလာမ် သာသနာတော်

အစ္စလာမ်သာသနာသည် ကမ္ဘာ့သာသနာကြီးများတွင် နောက်ဆုံးတွင်မှ ပေါ်ပေါက်လာသော သာသနာဖြစ်၍၊ မြန်မာနိုင်ငံသို့ လည်း ဗုဒ္ဓဘာသာ၏ နောက်တွင်မှ ရောက်ရှိခဲ့ပေသည်။ ကမ္ဘာပေါ်တွင် အစ္စလာမ်သာသနာအား သက်ဝင်ယုံကြည်သူမှာ လူ ဦးရေ သန်းပေါင်း (၂၀၀၀) ခန့် ရှိပေသည်။ မြန်မာနိုင်ငံတွင် အစ္စလာမ်သာသနာအား သက်ဝင်ယုံကြည်သော လူဦးရေမှာ ဒုတိ ယ အများဆုံး ဖြစ်၍၊ ထိုသို့ လူအများ ကျယ်ကျယ်ပြန့်ပြန့် လက်ခံယုံကြည်သော ဝါဒလမ်းစဉ် တစ်ခုအား မြန်မာစာ ဖတ်သူ များ လေ့လာခွင့် လွယ်ကူစေခြင်းငှာ ဤဝက်(ဘ်)ဆိုဒ်အား စေတနာကောင်းဖြင့် လုံ့လပြုထားခြင်း ဖြစ်ပါသည်။

အစ္စလာမ်စာပေနှင့် မြန်မာစာ၏ တန်ဘိုး

လူဦးရေ သန်းပေါင်း (၆၀) ကျော်က တရားဝင်ရုံးသုံး ဘာသာ စ ကား အဖြစ် လက်ခံ ပြောဆို၊ ရေးမှတ် နေ သော မြန်မာစာပေနှင့် စကားသည် သေးသိမ်သော ဘာ သာစကားတစ်ခု မဟုတ်ချေ၊ သို့ ဖြစ်၍ ကုလသမဂ္ဂ၏ တရားဝင်ရုံးသုံးအာရ်ဗီ စာပေဖြင့် မူရင်း ဖြစ် သော အစ္စလာမ် စာပေနှင့် ဒသနများကို အူရ်ဒူ၊ ဟင်ဒီ၊ ဖာရ်စီ ဘာ သာစကားများဖြင့် တဆင့် မခံတော့ဘဲ မြန်မာ စာပေဖြင့် တိုက် ရိုက်တင်ပြနိုင်ရန် အစွမ်းကုန် ကျိုးပမ်း သွားမည် ဖြစ်သည်။ ဤစာမျက်နှာများတွင် ဂိုဏ်း အယူ အဆများ မပါဝင်ပေ။ အစ္စလာမ်တို့ ၏ စံထားရာ ကျမ်း မြတ်ကုရ်အာန်နှင့် ကိုက်ညီသော မည်သည့် အယူအဆ များကို မဆို လက်ခံတင်ပြသွားမည် ဖြစ်ပါ သည်။

စဥ်းစားပေးပါ

အကယ်၍ ကိုယ်တော်ဂေါတမသည် အရှေ့အလယ်ပိုင်းဒေသ၌ ပွင့်ပေါ်ခဲ့သော် သူ့ကို မည်သည့် ဂုဏ်ပုဒ်ဖြင့် ခေါ်ဆိုမည်နည်း၊ အကယ်၍ ကိုယ်တော်မုဟမ္မဒ်သည် ကပိလဝတ္ထုပြည်၌ ပွင့်ပေါ်ခဲ့ သော် သူ့ကို မည်သည့်ဂုဏ်ပုဒ်ဖြင့် ခေါ်မည်နည်း— စဉ်းစားပေးပါ။

ပရမတ်ဘုရားရှင် ရှိကြောင်း

ကိုယ်တော်ဂေါတမကိုယ်တိုင်က ဖန်ဆင်းရှင် ဟူ သည် လုံးဝ မရှိဟု ယတိပြတ် ငြင်းဆိုထားခြင်း မရှိပါ။ (အပတ်စဉ်ဗဟုသုတမှ ကျွန်ုပ်တို့ သိအပ်သော ဗုဒ္ဓဘာသာ ခေါင်းစီးအောက် တွင် ဖတ်ပါ)

ထေရဝါဒ အထင်ကရ အဌကထာ ဆရာတော် ရှင်ဗုဒ္ဓဃောသ က

`ကရုဏာဝိယ သတ္တေသု၊ ပညာရဿ မဟေ သိနော၊ ညေယဓမ္မေသု၊ ယတ္ထာယုဇိ၊ ပဝတ္တိတ္တံ၊ မဟေသိနော´

ဘုရားသခင်သည် ဂရုဏာတော်အားဖြင့် သတ္တဝါ အ ပေါင်း တို့နှင့် ညေယဓံတရား ငါးပါးတို့ကို အ လိုတော်ရှိ သည် အတိုင်း ဖြစ်တော်မူလေ ကုန် ပြီ– လို့ ဆိုပါတယ်။

 (အဌသလိနီကျမ်း၊ ဝီသတိ၀န္ဒနာ)

တဘက်တွင် ဖေါ်ပြထားသော ကျမ်းများမှာ စာဖတ် သူ များ အတွက် ဖတ်ရှုရန် ရှာဖွေရ ခက်ခဲသော ကျမ်း စာအုပ်ငယ် ဖြစ်သည့်။ ဘုရားဒကာ သုံး ဆယ် ဦးလူငယ် ရေးသား ပြုစုသော `သဗ္ဗညုတ စိန္တာမယကျမ်း´ ကို ဤနေရာ၌ နှိပ်၍ ဖတ်နိုင်ပါ သည်။

အချင်းချင်း အငြင်းပွားနေမယ့်အစား ကိုယ့်အလုပ်ကို ကိုယ်လုပ်ပါ။

လူ့အကျိုးပြု ပတ်ဝန်းကျင်အကျိုးပြု လုပ်ငန်းတွေ အများ အများကြီး စောင့်ဆိုင်းနေပါတယ်။

ကျမ်းမြတ်ကုရ်အာန်က “ကောင်းမှုများ၌ ပြိုင်ဆိုင်ကြလော့၊” လို့ သွန်သင်ထားပါတယ်။

ဓမ္မမိတ်ဆွေအပေါင်း စိတ်နှလုံး အေးချမ်းကြပါစေ။