ဦးစိုးလွင်နှင့် မိတ်ဆက်  Quraninburmese.com ကို အနစ်နာခံလျှက် မြန်မာမူဆလင်တို့အား စေတနာထား ဆောင် ရွက်နေသော ဆရာ ဦးစိုးလွင် (ငြိမ်းချမ်းလျှပ်စစ်) နှင့် ဖုံးအားဖြင့် အဆက် အသွယ်ရခဲ့ပါသည်။

စာပေ၀ါသနာထုံသူ ဖြစ်သည့်အလျှောက် မြန်မာနိုင်ငံ၌ ထွက်သော စာများကို ဖတ်ခဲ့၊ လေ့လာခဲ့ စဉ်က ဆရာ ဦးစိုးလွင်ရေး သည့် `ကျမ်းမြတ်ကုရ်အံမှ ပြောသော မေရာ့ဂ်ျ´ နှင့် `ကျမ်းမြတ် ကုရ် အံမှ ပြောသော ဆွလာ့သ်´ ကို ရန်ကုန်မြို့ ကရီမီယာ စာအုပ်ဆိုင်တွင် တွေ့သောအခါ၊ စာကို ဖတ် ချင်သောကြောင့်သာ ၀ယ်လိုက်မိ၍။ ဒီဆရာကွာ နာမ်မည်ရွေးစရာ ရှားလို့ သူများ အမည် (ငြိမ်း ချမ်းလုလင်)ကို အတုခိုးရတယ်လို့ ဟု မနောကံ ဖြင့် ပြစ်မှားမိခဲ့ပါသည်။ (ထိုစဉ်ကျွန်ုပ်သည် စာအုပ် ထုတ်သည့် ခုနှစ်များကို နှိုင်းယှဉ် မကြည့်မိသည့်အပြင်၊ ငြိမ်းချမ်းလျှပ်စစ် ဆိုသည်မှာ ငြိမ်းချမ်း လုလင်ကို အတုခိုးခဲ့သည်ဟု ထင်မြင် မိခဲ့သည်။) ထို့နောက် စာအုပ်များ၏ စာအုပ်များ၏ ခုနှစ်ကို ကြည့်သော အခါမှ ဆရာဦးစိုးလွင်က အလျှင်အဦး စာအုပ် ထုတ် ၍၊ ငြိမ်းချမ်းလျှပ်စစ် ဆို သည်မှာ လည်း ဆရာ့ကို ငြိမ်းချမ်း လျှပ်စစ် ပစ္စည်းဆိုင် (မော်တာဆိုင်)က ဆရာဟု ဓမ္မ မိတ်ဆွေ များက သိကျွမ်းထားသည့် အတွက် ထိုအမည်ကို သုံးစွဲကြောင်း သိခဲ့ပါသည်။ မိမိကိုယ်လည်း အပြစ် တင်စောရလေခြင်း ဟု နောင်တ ရမိပါသည်။ သို့သော် လူချင်း လုံးဝ မဆုံဘူးခဲ့ပါ။

ကျွန်ုပ်ပြောလိုသည်မှာ သူ့အကြောင်းမဟုတ်၊ ကျမ်းမြတ်ကုရ်အံ၏ ထီးရိပ်အောက်မှ လူသားများ သည် အတွေး အခေါ် အယူ အဆ တစ်ထပ်တည်း တူညီမှု၊ ကျမ်းတော်သည် ဂိုဏ်းကွဲမှုများကို ဦးတည်စေခြင်းမရှိဘဲ၊ ဂိုဏ်းကွဲ များအား ညီညွတ်စုပေါင်း လာစေရန်သာ ဖိတ်ခေါ်ဆွဲဆောင်မှုပင် ဖြစ်၏။ ဟူသည်ကို-

ကျွန်ုပ်လာခဲ့သော သာသနာရေး လမ်းကြောင်းမှာ ဆရာနှင့် လုံးဝ လုံးဝ မတူပါ။  တနည်းအားဖြင့်- မွေးဘွားရှင်သန် ပေါက်ရောက်ခဲ့ရသည့် မြေ ဆီ သြဇာနှင့် သဘာဝ ပတ်ဝန်းကျင် လုံးဝ ခြားနား ပါသည်။ ထို့ကြောင့် အတွေး အခေါ်အယူ အဆ ကွဲပြားမည်ဆိုက စေ့စပ် ၍ပင် ရနိုင်မည် မဟုတ်ပါ။

ကျွန်ုပ်သည် ကျွန်ုပ်ဘ၀နှင့် ယှဉ်၍၊ ကျမ်းမြတ်ကုရ်အံအား အားသန်ခဲ့သည်၊ မြတ်နိုးခဲ့သည်၊ နောက် ဆုံး ဆရာ ကြီးများ လက် သုံး `ကုရ်အံမဟုတ်သည့် ကျမ်းတော်များ´ကို သီလခံယူ လိုက်နာ ယုံကြည်ခြင်းမှ ရှောင်ခဲ့သည်။ သမိုင်းကျမ်းများ- ဗဟုသုတ ပေးကောင်းပေးနိုင်သော ကျမ်းများ- ကျမ်းမြတ်ကုရ်အံအား နားလည်ရန် မည်သည့် စာအုပ်ကို မဆို ဖတ်ရမည်ဟူသော အသိဖြင့် ခံ ယူချက်ဖြင့်သာ ဖတ်ခဲ့ပါသည်။

ဆရာသည်လည်း သူ့အကြောင်းနှင့်သူ ရှိပေမည်။

ကျမ်းတော်ကို ချည်းကပ်သည့် ပုံစံလည်း တစ်ထပ်တည်း တူညီနိုင်မည် မဟုတ်ပါ။ ဆရာသည် ကျွန်ုပ်ထက် အာရ်ဗီ သဒ္ဒါ ပ ညာ၊ အာရ်ဗီစကားပြော၊ ကျမ်းမြတ်ကုရ်အံကို တင်ပြရင်း ဖြတ်သန်း ခဲ့ရသည့် ဘ၀တိုက်ပွဲ၊ ကျွန်ုပ် ထက်ပို၍ သဘာရင့်သော ပုဂ္ဂိုလ်ဖြစ်ပါသည်။ ထို့ပြင် မြန်မာမူဆလင် တို့ နားလည်လွယ်သည့် အာရ်ဗီမွေးစား စကားလုံး၊ အူရ်ဒူမွေးစား စကားလုံး၊ ဟဒီးဟ် သမိုင်း ကြောင်း ရေးရာများ၌ ကျွန်ုပ်ထက်များစွာ လိမ္မာတတ်ကျွမ်း ပါသည်။

ကျွန်ုပ်မှာ ဗုဒ္ဓဘာသာပတ်ဝန်းကျင်၊ ဗုဒ္ဓဘာသာ မိတ်ဆွေများနှင့်သာ ညီရင်းအစ်ကိုကဲ့သို့ နေခဲ့ရ သည် များ၍ တစ်ကြောင်း၊ မျိုးရိုးအရ မည်သည့် အိန္ဒိယနွယ်ဘွားတို့၏ စကားကိုမှ မပြောတတ် မဆို တတ်၍လည်းကောင်း၊ အာရ်ဗီစာကို သင်ယူသော အခါ။ အာရ်ဗီစကာလုံးတိုင်းကို မြန်မာ ဆန်စွာ သာ နားလည်ခဲ့ပါသည်။

ဥပမာအားဖြင့် မလာအိကာဟ် ဆိုသော စကားလုံးကို အာရ်ဗီ အင်္ဂလိပ် အဘိဓာန်တွင် Angel ဟု ဖေါ်ပြထား သည့် အ တွက် ကျွန်ုပ်က နတ်ဒေ၀တာ ဟု နားလည်သဘောပေါက်ပါသည်။ ဆရာက မလာအိကာဟ်၏ အာရ် ဗီမူရင်းကို သိနေ သည့် အပြင် ထိုစကားလုံးကို အိန္ဒိယနွယ်ဘွားများ ပြော သော ဖရစ်ခ်ျတာ ဟု သိမြင်နိုင်ပါသည်။

ထိုသို့ချည်းကပ်ပုံ မတူ၊ သင်ယူခဲ့သည့် ဆရာမတူ၊ နားလည်သည့် ဘာသာဗေဒ အသုံးအနှုန်းများ မတူ၊ ကြီး ပြင်းခဲ့ရသည့် ပတ်ဝန်းကျင်၊ ဘ၀ အတွေ့အကြုံများ မတူသော်လည်း-

အံ့သြလောက်အောင်တူညီမှုမှာ- ကျမ်းတော်ပါ ကျမ်းချက်တော်များ၏ ဆိုလိုချက်၊ အနက်သဘော၊ လူသားတို့အား ပေးလို သော အသိ၊ ခံစားသိမှတ်မှု၊ စသည့် အချက်များမှာ ဆွေးနွေး ပြောဆိုဘူး သမျှ အနှစ်သာရ တူညီနေမှုပင် ဖြစ်ပေသည်။

ထိုအခါ ကျမ်းတော်က ပြောသော `အလ္လာ့ဟ် အရောင်ကို ဆိုးကြ´ `ဤကျမ်းတော်သည် သင်တို့ အား ညီရင်း အစ်ကို ကဲ့သို့ ဖြစ်စေသည်´ ဟူသည့် အချက်များမှာ လွန်စွာမှန်ကန်ကြောင်း၊ ပို၍ပို၍ ခံစားလာရပါသည်။

သို့ဖြစ်၍ ကျွန်ုပ်အနေဖြင့် ဆရာ့အား- မေတ္တာရပ်ခံခဲ့သည်မှာ၊ ကျွန်ုပ်တို့ ညီအစ်ကိုတွေ ကမ္ဘာနှင့် အ၀ှမ်း အယူ အဆရေးရာ ကွဲပြားနေရသည့် အဖြစ်၊ ထိုသို့ဖြစ်လာရသည့် အဓိက အကြောင်းရင်း၊ ဇစ် မြစ်များကို ရှင်းပြပေးပါရန် မေတ္တာရပ်ခံခဲ့ပါသည်။

ဆရာသည် အလုပ်မအားလပ်ပါ။ အမေရိကန် လူနေမှုဘ၀အရ အချိန်ပိုရရန်အတွက် တော်လှန်ရေး တစ်ရပ် ဆင်နွဲရပါသည်။ ထိုကြားထဲမှ ဆရာသည် ကျွန်ုပ်အား လက်ရေးဖြင့် ကိုယ်တိုင်ရေးလျှက်- အစ္စလာမ့် သမိုင်းရေးရာ အရှုပ်အထွေးများ ဖြစ်လာ ရသည့် အကြောင်းကို စာတိုက်မှ ပို့ပေးပါ သည်။

ထိုပေးစာများအား အများသူငါများ သိစေခြင်းငှာ- ၀က်ဆိုဒ်မှ ဖြန့်ချီခွင့်ကိုလည်း တဆက်တည်း ခွင့် ပြုခဲ့ပါသည်။ ထို့ကြောင့်  ဤ၀က်ဆိုဒ်တွင် ဆရာဦးစိုးလွင် ရှင်းပြသော အစ္စလာမ်သမိုင်းမှ အရှုပ် တော်ပုံများကို အများသူငါ နောင် လာနောက်သားများ သိလာလျှက်၊ အမှားကို ရှောင်၊ အမှန်ကို ဆောင်နိုင်စေရန် ဝေငှ ဖြန့်ချီလိုက်ပါသည်။ (ဆရာမှ မဟုတ် အခြားသော သမိုင်း ဆရာများက အခြားသော အစ္စလာ့မ် သမိုင်းရှုဒေါင့်များမှ ရေးသား ပေးပို့လာလျှင်လည်း အချိန်မရွေး တင်ပြ ပေး မည်ပင်။)

ခန်းဆက်များတင်ပြပြီးလျှင် အင်္ဂလိပ်ဘာဖြင့် ပြန်ဆို၍ ကမ္ဘာအရပ်ရပ်သို့ ဖြန့်ချီခွင့်ကိုပါ ခွင့်ပြု ထားသည့် အတွက် ဆရာ၏ ပညာသည် `၀ါးလုံးခေါင်းတွင်း၌ လ သာ ခြင်း´ မဟုတ်၊ မိမိတင်ပြ သော တင်ပြချက်သည် အမှန်တရားဖြစ်၍၊ စောဒက တက် လာလျှင် မည်သူနှင့် မဆို ဆွေးနွေးရန် အသင့်ရှိသော ဆရာ၏ ဂုဏ်၊ ဆရာ၏ သတ္တိကို လေးစား အသိအမှတ်ပြုပါသည်။

ကျမ်းမြတ်ကုရ်အံကို နှလုံးပိုက်လိုက်နာသော ဓမ္မညီအစ်ကိုများသည် ဂိုဏ်းကွဲရန် အကြောင်း လုံးဝ မရှိချေ။

မူဆလင်မှန်လျှင် ကုရ်အံဝါဒီများ ဖြစ်ကြသည်ပင်။ မည်သူတစ်ဦးတစ်ယောက် မည်သည့် ဂိုဏ်း အုပ် စု တစ်ခုတည်းသာ ကုရ်အံဝါဒီဟူ၍ ခံယူခွင့် မရှိချေ။ မူဆလင်တိုင်း ကုရ်အံအား အီမန်စွဲမြဲစွာ ယုံ ကြည် လက်ခံထားသည်သာ ဖြစ်သည်။ နားလည်ရန် ချည်းကပ်မှု နည်းစနစ်များ ကွာခြား နေခြင်း သာ ဖြစ်ကြောင်း သတိထားမိစေလိုပါသည်။